-Almmuhus-
SMÁVVAOĐĐASAT12 gielddas láhčet DálveBearal­mátkkiid 

12 gielddas láhčet DálveBearal­mátkkiid 

Journalista

-

-

Eai goassege ovdal leat nu olu Finnmárkku gielddain láhčán Bearalmátkkiid dálvet, ja Finnmárkku olgodaddanráđđi jáhkká vel eambbosiid čuovvolit boahtte dálvvi. 

Dán dálvvi sáhttá čađahit DálveBearalmátkkiid Álttás, Bearalvágis, Báhcavuonas, Gáŋgaviikkas, Kárášjogas, Guovdageainnus, Davvesiiddas, Láhpis, Davvenjárggas, Porsáŋggus, Mátta-Várjjagis ja Várggáin. 

Nu olu gielddat eai leat ovdal láhčán mátkkiid dálvet. Ulbmilin lea ahte olbmot vulget olggos lihkadit, go álbmotdearvvašvuohta lea dehálaš maiddái dálvet. 

– Diibmá lei olahusjahki Bearalmátkkiid ektui, ja dál illudit sakka go 12 gieldda leat mielde lágideamen DálveBearalmátkkiid. Boahtte jagi dáidet vel eambbosat čuovvolit ja soaitit vásihit ahte buot Finnmárkku gielddat láhčet DálveBearalmátkkiid. Dálvet lea hirbmat dehálaš láhčit mátkkiid vai olbmot vulget olggos lihkadit, ja buolašin ja borgan sáhttá oainnat oalle geahččalus vuolgit olggos ja dalle maŋida olggosmannama maŋit beaivái, lohká Finnmárkku olgodaddanráđi beaivválaš jođiheaddji Hugo Tingvoll preassadieđáhusas.

Finnmárkkus leat oktiibuot 177 DálveBearalmátkki maid sáhttá čađahit vácci, čuoigga dahje rabehiiguin.

-Almmuhus-