11:s dušše johtolagas cuoŋománus, 4 eambbo go diibmá dan mánu. Dássážii leat 28 olbmo duššan Norgga geainnuin dán jagi.
Dan čájehit Stáhta geaidnodoaimmahaga gaskaboddosaš lihkohisvuođalogut.
– Guhtta olbmo dušše Innlandet fylkkas ja ovtta fylkkas leat dát oalle olu olbmot, lohká Stáhta geaidnodoaimmahaga johtolatsihkkarvuođa jođiheaddji Guro Ranes preassadieđáhusas.
Muhtin lihkohisvuođain leat duššan eambbo go okta, ja lea álo stuorra vahát sidjiide geat masset iežaset lagamusaid. Ranes muitala sii dutket vuđolaččat juohke jápminlihkohisvuođa gávdnan dihtii vástádusa, vai lihkohisvuođalogut geahppánivčče.
– Leat olu friijabeaivvit miessemánus – čuovo mielde go leat jođus! Jus buohkat geavahit biilaboahkána, leat čilgosat ja áicilat, heivehit iežaset leavttu johtolaga dili mielde, de leat mii buohkat mielde geahpedeamen lihkohisvuođaid jápminloguin ja garrasit roasmmehuvvan olbmuid -loguid johtolagas, rávve Guro Ranes.
Nationála johtolatplána mihttomearri lea ahte jagi 2030 eai galggaše eanet go 350 olbmo duššat johtolagas ja jagi 2050:s eanet go 50. Jagi 2050 ii galggaše oktage olmmoš duššat geaidnojohtolagas.