-Almmuhus-
-Almmuhus-
-Almmuhus-
OĐĐASAT109 koronapasieantta buohcciviesuin

109 koronapasieantta buohcciviesuin

-

-

Oktiibuot 109 olbmo geat buhcet koronadávddain leat buohcciviesus. Lohku lea njiedjan 17 pasieanttain ievttá rájes.

24 dáid pasieanttain dálkkoduvvot vuoigŋanmašiinnas ja 40:s leat intensiivaossodagain. Dát lohku ii leat rievdan ievttá rájes, earet go ahte odne lea okta unnit intensiivadivššus ievttá ektui. Nu dieđiha Dearvvašvuođadirektoráhta NTB:i.

Guovvamánu rájes leat oktiibuot 118.740 olbmos duođaštuvvon korona, čájehit nationála logut.

Maŋimuš jándora leat oktiibuot 425 olbmo buohcame koronadávddain. Dát lea 18 eambbo go seamma beaivvi mannan vahkus. Norggas leat oktiibuot 774 koronabuohcci jápmán dan rájes go korona njoammugođii Norggas njukčamánus 2020:s. Ii leat čielggas jápme go pasieanttat Covid-19 dihte dahje eará sivaid geažil.

(NTB)

-Almmuhus-