Davimus Ruoŧas lassána koronanjoammun 11 gielddas.
Regiovdna Norrbottena vahkkosaš raporttas dieđiha njoammuneastadandoavttir Anders Nystedt ahte koronanjoammun lassána vehaš davimus Ruoŧas.
– Boarrásiid siiddas ii njoamo korona šat seamma olu go ovdal. Jápminlogut leat maid njiedjan, dieđiha Nystedt.
Mánnodaga ledje 49 olbmo Norrbottena buohcceviesuin koronadávdda dihte ja 12:s dain ledje vuoigŋanmašiinnas. Brihttalaš variánta lassána Ruoŧas ja maid Norrbottenis go njoammu álkibut. Nystedt dieđiha maid ahte Brasila ja Mátta-Afrihká koronavariántta eai leat gávdnon Norrbottenis.
– Eanemus njoammu dávda barggus dehe skuvllas go olbmot čoahkkanit ja nu váldá dávdda ruoktot ja njommo ovttasássiide, čilge regiovdna raporttas.
Vahkku 14 (ruođuid siste ovddit vahkku):
Árjeplovii: 3 (2), Árvvesjávri: 19 (9), Boden: 143 (115), Jiellevárri, 128 (126) Haparanda: 8 (3), Johkamohkki: 34 (23), Kalix: 31 (31), Giron: 109 (116) Luleju: 234 (281), Bájil: 15 (4), Bihtám: 235 (182), Älvsbya: 49 (37) Överkalix: 6 (3), Badje Durtnos : 17 (2) Norrbottens: 1 051 koronanjoammuma, ja 934 vahku ovdal.
