-Almmuhus-
OĐĐASAT10 jagi illástan, nihttán, doaruhan ja cábmán eamida - dubmehallon guhta jagi...

10 jagi illástan, nihttán, doaruhan ja cábmán eamida – dubmehallon guhta jagi čohkkát

-

-

Okta dievdu lea dubmehallon giddagassii guđa jahkái roavva bearášveahkaválddálašvuođas.

Sis–Finnmárkku diggegottis lea finnmárkulaš dievdu dubmehallon guđa jahkái giddagassii go lea veagalváldán ja doaruhan iežas eamida. Dievdu šaddá maid máksit 273 622 ruvnno buhtadussan eamidii, ja 10.000 ruvnno áššegoluid ovddas.

 

10 jagi doaruhan

Dievdu lea 2004 rájes gitta jagi 2014 rádjai, illástan, nihttán, doaruhan ja cábmán iežas eamida máŋgii. Dievdu lea maid dan áiggis seksualálaččat veagalváldán eamida.

Váldošiehtadallamat ledje golggotmánu 13.-15 beivviid. Áššáskuhtton dievdu ii dovddastan sivalažžan.

Aktor gáibidii ahte áššáskuhtton dievdu galggai dubmehallat giddagassii viđa jáhkkái. Duopmu celkojuvvui skábmamánu 13. beaivvi.

– Dá lea okta dain duođaleamos bearášveahkaváldeáššiin mii mis lea goassige leamaš dikkis, čállá riekte- ja áššáskuhttoneiseváldi jođiheaddji Thomas E. Darell.

Dievdu sáhttá ain guoddalit duomu.

 

 

-Almmuhus-