-Almmuhus-
OĐĐASAT10 000 olbmo áššáiduhtton veahkaválddálašvuođa ja illásteami ovddas

10 000 olbmo áššáiduhtton veahkaválddálašvuođa ja illásteami ovddas

-

-

Diibmá dutke politiijat 32 500 illasteami ja veahkaválddálašvuođa láhkarihkkumiid, ja birrasii beali áššiin oaivvildit čielggadan.

Ledje 16 200 áššáiduhttima illasteami ja veahkaválddálašvuođa láhkarihkkumiid ovddas. Dain áššiin ledje 6300 áššáiduhttima rumašlaš loavkideami ovddas, 1250 rumašlaš roasmmohuhttima, badjelaš 800 illasteami lagas oktavuođain ja birrasii 1500 veahkaválddálašvuođa ášši almmolaš bálvábargi vuostá.

Ledje maid measta 4000 áššáiduhttima áitagiid ovddas ja 1500 áššáiduhttima goavvi láhttenmálle ja čuvodeami ovddas.

 

Stuorát rihkkosáššiin maid

Oktiibuot leat 10 000 olbmo áššáiduhtton ovtta dahje máŋga áššis illasteami ja veahkaválddálašvuođa ovddas 2016:s. Dáin olbmuin lei maid 15 proseantta geat ledje áššáiduhtton roavvát láhkarihkkumiid ovddas main lea stuorát ráŋggáštupmi ja biddjui eará váldorihkkosáššiid vuollai. Dalle ledje 8500 áššáiduhtton olbmo geain váldorihkkun lei illasteapmi ja veahkaválddálašvuohta, dieđiha Statistihkalaš guovddášdoaimmahat.

-Almmuhus-