FHI logut čájehit disdaga ahte 1 010 871 norgalačča leat váldán goalmmát dosa covid-19 boahkuin. 4 259 058 olbmo leat váldán vuostaš dosa ja 3 879 920 olbmot leat váldán nuppi dosa.
18,7 proseantta álbmogis, geat leat badjel 18-jahkásaččat, leat ožžon goalmmát dosa. Muđui leat 79 proseantta ožžon vuosttaš dosa, ja 72 proseantta ožžon nuppi dosa.
Vuollel 18-jahkásaččat eai oaččo vel goalmmát dosa. 94,1 proseantta nuorain geat leat 16-ja 17-jahkásaččat leat ožžon vuosttaš dosa, ja 74,4 leat ožžon nuppi dosa.
Gaskal 12- ja 15-jahkásaččain leat 76 proseantta ožžon vuosttaš dosa, ja 2 proseantta ožžon nuppi dosa.
FHI lea sisačálihan ahte 1157 olbmo ožžo vuosttaš dosa mánnodaga, ja 1 934 olbmo ožžo nuppi dosa.
Romssa ja Finnmárkku álbmot unnimusat boahkuhuvvon
Trøndelága (93,4 proseantta) ja Innlandet (92,8 proseantta) leat dat fylkkat mat leat addán eanemus boahkuid vuosttaš dosas buohkaide geat leat badjel 18-jahkásaččat. Rogalánda ja Romsa ja Finnmárku (goappašagat 90,4 proseantta) leat addán unnimus boahkuid vuosttaš dosas.
Trøndelága (90,8 proseantta) ja Innlandet (90 proseantta) leat maid dat fylkkat mat leat addán eanemus boahkuid nuppi dosas.
Innlandet (22,1 proseantta) ja Vestfold ja Telemárku (22 proseantta) leat addán eanemus boahkuid goalmmát dosas.
(©NTB)
