-Almmuhus-
-Almmuhus-
-Almmuhus-
OĐĐASAT​NVE háliida ahte bieggafápmorusttegiin lea buoret báikkálaš čanastupmi 

​NVE háliida ahte bieggafápmorusttegiin lea buoret báikkálaš čanastupmi 

-

-

Norgga čázádat- ja energiijadirektoráhta (NVE) direktevra Kjetil Lund ávžžuha bieggamilloealáhusa fuolahit ahte sis lea buoret oktavuohta singuin geaidda bieggafápmohuksen čuohcá, dieđiha NVE preassadieđáhusas.

– Dán áigodagas huksejit olu bieggafápmorusttegiid. Olu báikkiin ii leat leamaš doarvái buorre gulahallan báikkálaš berošteddjiin ja bieggafápmohuksejeaddjis, muhto dat ii guoskka buot prošeavttaide. Mii fertet sihkkarastit buorre gulahallama huksejeaddji, gieldda ja báikkálaš beroštumiid gaskkas. Olbmot beroštit iežaset guovlluin ja dan ferte huksejeaddji atnit árvvus, lohká Norgga čázádat- ja energiijadirektevra Kjetil Lund go rabai NVE jahkásaš bieggafápmoseminára Drammenis. 

NVE lea čavgen gáibádusa ahte huksejeaddji galgá gulahallat gielddaiguin ja eanaeaiggádiiguin go ráhkadit bienalaš plánaid guovllus.

Dál árvvoštallet gáibádusaid čavget eambbo huksejeaddjái, sihkkarastin dihtii ahte buohkat ožžot dieđu, besset mielde ja ahte gulahallan doaibmá. 

– Buot huksenlobit ja eavttut galget čuvvojuvvot. Jus rihkkot lobiid, de fertet mii čuovvulit daid, deattuha Kjetil Lund ja lohká huksejeddjiin lea ovdasvástádus fuolahit ahte buohkat, geaidda su huksen čuohcá, galget beassat mielde go prošeavttat ovdánahttojuvvojit.

 

-Almmuhus-