-Almmuhus-
-Almmuhus-
-Almmuhus-
OĐĐASAT​Eurohpálaš dearvvašvuođa oadjokoarta – vuogas, álki ja nuvttá

​Eurohpálaš dearvvašvuođa oadjokoarta – vuogas, álki ja nuvttá

-

-

Koarta mii sáhttá gádjut Eurohpá-luomu, sáhtát álkit tiŋgostit neahtas. Tiŋgos buori áiggis helsenorge.no siiddus.

Juohke jagi ožžot norgalaš turisttat duháhiid mielde dárbbu Eurohpálaš dearvvašvuođa oadjokortii go sii leat EEO-riikkas dahje Sveitsas luomus, dieđiha Helfo preassadieđáhusas. 

– Jus fertet fitnat almmolaš doaktára dahje almmolaš buohcceviesus go leat mátkkošteamen EEO-guovllus dahje Sveitsas, sihkkarastá dearvvašvuođa oadjokoarta dan dearvvašvuođa veahki maid dárbbašat vai sáhtát joatkit luomu. Go čájehat koartta, de mávssát dušše iešmávssu seamma láhkai go riikka ássit dan riikkas man galledat, lohká Helfo bálvalusbálvalus ossodatdirektevra, Heidi Kvaal Djupvik.

 

Tiŋgo riekta neahtas

– Tiŋgo Europeisk helsetrygdkort dahje Europálaš dearvvašvuođa oadjokoarta álkit ja nuvttá helsenorge.no siiddus áigemunil ovdal go vuolggát. Dás gávnnat maid ávkkálaš dieđuid mo geavahat koartta. Jus it sáhte tiŋgot digitála bokte helsenorge.no bokte, de sáhtát čuojahit Veiledning helsenorge.no / helsenorge.no bagadallái telefuvnna nummir 23 32 70 00, lohká Kvaal Djupvik. 

Son lasiha ahte dán telefuvdnanummirii sáhtát maid čuojahit jus dárbbašat medisiinnalaš veahki EEO-riikkas ja fuomášat dus ii leat fárus dat koarta, árgabeivviid gaskal 08.00-15.30. Dalle oaččut dalán veahki. 

Muitte dárkkistit ahte sáhtát ain geavahit dearvvašvuođakoartta, jus lahkona áigi, de tiŋgo ođđa jođánit. Ádjána 10 beaivvi ovdal go ođđa boahtá. 

 

Priváhta mátkedáhkideapmi

– Juohkehaččas bearrašis galgá leat iežas dearvvašvuođa oadjokoarta mátkkis. Go tiŋgot, de sáhtát buohkaide tiŋgot, lohká ossodatdirektevra Kvaal Djupvik.

Fuomáš ahte dán koartta sáhtát geavahit buot EEO-riikkain ja Sveitsas, muhto ii Tyrkias ja Kyprosa tyrkialaš oasis. 

Ossodatdirektevra Kvaal Djupvik rávve buohkaid fuolahit ahte sus lea priváhta mátkedáhkideapmi, go dearvvašvuođa oadjokoartta it sáhte geavahit priváhta buohcceviesus, iige  priváhta doaktára luhtte, ii ge beasa dainna ruovttomátkái.

-Almmuhus-