-Almmuhus-
-Almmuhus-
VALÁŠTALLAN ​FA Sápmi vuoittáhalai Abkhaziai 1-0

​FA Sápmi vuoittáhalai Abkhaziai 1-0

-

-

FA Sámi spábbačiekčit muitalit sii vuoittáhalle Abkhaziai 1-0 Conifa Euro Cupas Abkhazias mannan vuossárgga, geassemánu goalmmát beaivvi.

Lei FA Sámi nuppi spábbačiekčan dán cupas.

Spábbačiekčan Abkhazia vuostá álggii Norgga ja Ruoŧa áiggi mielde tiibmu 16.00 ja Suoma áiggi mielde fas tiibmu 17.00.

 

– Mii vuoittáhalaimet Abkhaziai 1-0, muhto Cameria vuittii ges Artsakh vuostá 3-1, nu ahte mis lea ain vejolašvuohta beassat semifinálii jus vuoitit Cameria vuostá 2-0 ja ahte Abkhazia vuoitá Artsakh vuostá. FA Sápmi lea šaddan spábbačiekčangehččiid oiddot dáppe Artsakhas, muitalit FA Sápmi spábbačiekčit iežaset Facebook-siiddus.

 

Sápmi čiekčá Cameria vuostá maŋŋebárgga tiibmu 16.00 Norgga ja Ruoŧa áiggi mielde, ja tiibmu 17.00 Suoma áiggi mielde.

 

Sii geat čikče Abkhazia vuostá lei moalladustejeaddji Alexander Ellingsen, suodjalusas lei Joona Lahdenmäki, Dan Michael Randa, Jarkko Lahdenmäki ja Jirijoonas Kanth. Gaskašiljus lei Asgeir Eliasen, Samuli Laitila ja Rickard Ellingsen. Falleheaddjit ledje Stein Arne Mannsverk, Mikael Jannok ja Mika Holmen Hætta.

 

Abkhazias lea iešheanalaš republihka Georgia riikkas. Abkhazia lea máttabealde Sotsji gávpoga gos Olympia Dálvegilvvut lágiduvvojedje Ruoššas.

Cameria lea Albania riikka máttimus oasis.

- Advertisement -
-Almmuhus-