Geahččalit olbmuin ruđaid fillet

Kárášjoga Seastinbáŋku 1 Davvi-Norga lea seaidnái bidjan váruhusa ahte suollagat geahččalit neahtas fillet ruđaid sin kundáriin.Josef Isak Utsi govven

Seastinbáŋku 1 Davvi-Norga váruha dál iežaset kundariid neahttasuollagiid vuostá geat geahččalit sin namain fillet ruđaid olbmuin. Maŋemuš áigge leat olbmot giksašuvvan e-poasttain mas skealm­mat čállet árbbi, vuoittu ja giddejuvvon seastinbáŋkokonto birra.

Olusiidda leat sáddejuvvon e-poasttat Seastinbáŋku 1 namain mas geahččalit olbmuid oažžut sáddet persovnnalaš dieđuid. E-poasta lea hui jáhkehahtti go báŋkku dovdomearka lea das mielde. Dál lea Kárášjoga seastinbáŋku maid seaidnái heŋgen reivve mas čájeha makkár lea e-poasta man skealmmat leat sádden olbmuide. Sii leat heŋgen dan vai olbmot fuomášit makkár e-poasta lea ja sihtet olbmuid leat várrugassan.

Loga eambbo duorastaga Ávviris.