Jearahan seksuálalaš gažaldagaid nieiddažis

Eadni ja mánná Amfi gávppašanguovddáža olggobealde gosa nieida ii loga duostat okto vuolgit. Govven Alice Balto

Amfi gávpeguovddážis, Álttás, ballet pedofiila jođus go vuoras almmái čuovvolii nieiddažiid geain álggii jearahallat seksuálaš gažaldagaid.

Váhnen ii hálit namas almmuhit gáhtten dihte iežas nieiddaža, muhto oaidná dehálažžan muitalit balddihahtti fearana birra máid su  12-jahkásaš nieiddaš vásihii mannan vahkkus stuora gávpeguovddážis Álttás, mii lea ge Finnmárkkus stuorámus gávpot. Váhnen lea dál váidán politiijaide vuorrasat albmá, gii balddii ge seksualálaš gažaldagaiguin nieiddaža.

Son muitala ahte mannan  vahkus vulggii 12 jahkásaš sámenieida ovttas iežas ustibiin Álttá Amfi-gávppašanguovddážii gávppašit ja kafeas čohkohallat.

– Soai eaba bállen ráfis go vuorrasat almmái balddii sudno seksualálaš ságaiguin, ja dat váikkuhii mu nieiddaža idja nahkáriidda maid, muitala eadni. bearjadaga son váiddii ášši politiijaide.

Loga eambbo lávvordaga Ávviris.