Ovttas guohtonriidduid vuostá

Oarje-Finnmárkku nuortajohtolaga stivrajođiheaddji Nils Mahtis Sara ja Kárášjoga Oarjjabeali jođiheaddji Nils Johan Gaup gáibideaba dál albma bargobirrasa boazodollui maiddái. Vuorkágovva

Oarje-Finnmárkku nuortajohtolaga stivrajođiheaddji Nils Mahtis Sara ja Kárášjoga Oarjjabeali jođiheaddji Nils Johan Gaup leaba vuosttaš háve ovttas geahčadan vejolašvuođaid mo sáhttá eastadit riidduid ja buoridit bargobirrasa boazodoalus.

Soai eaba loga šat dohkálažžan ahte doarrumat ja áitimat leat vuogit movt galgá čoavdit guohtonriidduid boazodoalus ja deattuheaba preassadieđáhusas ahte sii geat áitet ja dorrot boazobargguin ii leat mihkke dahkamušaid ealáhusas.
 
– Seammás ferte geahččat lea go okta ja seamma siida dahje siidaolmmoš gii ii doahttal bargonjuolggadusaid. Jus nu lea, de berrejit boahtit váikkuhusat nu go ovdamearkka dihtii eret bidjat su ealáhusas. Mu mielas ii oro heivemin dohkkehit dálá dili go boazodoalus besset moivet meahcis nu movt ieža háliidit. De šaddá hui váttes bargosadji, iige dat atte oadjebasvuođa olbmuide, dadjá Nils Mathis Sara.

Loga eambbo bearjadaga Ávviris máid Sis-Finnmárkku diggegotti sundi, Kárášjoga Oarjjabeali jođiheaddji ja maiddái NBR jođiheaddji dadjet áššái.