Ođđa fálaldat Sámi Grand Prix vuitiide

Sámi Grand Prix buvttadeaddji Klemet Anders Buljo háliida vuitiid veahkehit ovddidit karrieara. Govven: Marit Elin Kemi

Son gii dán jagi vuoitá Sámi Grand Prix, beassá boahtte beassážiid doallat olles konseartta Báktehárjjis. Ođđa ortnet galgá sihkkarastit ahte taleanttat eai jávkka.

Sámi Grand Prix ođđa buvttadeaddji, Klemet Anders Buljo Audioland fitnodagas lohká dán ođđa fálaldaga addit sihke lávlun- ja juoiganoasi vuitiide.
 – Lean hui guhká bargan Sámi Grand Prixa musihkkagilvvuin, juogo kapeallameasttirin dahje musihkkárin, ja lean váivahuvvan go okta nubbi taleanta lea mannan duššái go ii oktage leat veahkehan sin viidáseappot bargat.

Dát ortnet galgá ge movttiidahttit artisttaid viidáseappot bargat musihkain, ja Beassášfestivála seammás dovddusindahká sin artistan, dadjá Buljo.

Loga ođđa ortnega birra distaga Ávviris,  báberaviissas dahje pdf-aviissas.