Váidon

– Mii eat boađe sihkastit eret daid gaskkaboddosaš rájiid, eat ge álgge gal šat ođđasit dáinna bargguin. Mii leat joavdan guhkás bargguin, muhto mun oainnán mis lea vuos oba guhkki gosa leat vuolgán, lohka Kárášjoga Oarjjabeale orohaga ovdaolmmoš, Nils Jo

Duhtameahttunvuohta joatká Kárášjoga Oarjjabeale dálvesiidarájiiguin, go dál lea dat orohat váidon politiijaide.

Ávvir lea čállán dáid maŋemus áiggiid dálvesiidarájiid birra Kárášjoga oarjjabealde, gos máŋga dálvesiidda leat dadjan aviissas iežaset duhtameahttumin movt leat juohkán rájiid. Dál lea vuosttaš siida váidán Kárášjoga Oarjjabeale orohaga politiijaide máid duođašta Kárášjoga leansmánne, Kjell Magne Grønli Ávvirii.

– Mii leat ožžon váidaga mannan bearjadaga mii guoská dálvesiidarájiide, muhto in leat beassan vuos geahččat dan váidaga; gii lea váidon ja mii lea sisdoallu váidagis, lohká leansmánni.

Kárášjoga Oarjjabeale orohaga ovdaolmmoš, Nils Johan J. Gaup, ii jierásnuva gal go gullá váidda lea boahtán.

– Buohkain lea lohpi ja riekti váidit, ja lea buorre go siiddat geavahit dan vejolašvuođa, lohká son.

Loga eambbo distaga Ávviris.