Váidet orohaga

– Moai ean sáhte šat dohkkehit ahte mis rievidit eatnamiid, mii áigut váidit Kárášjoga, dadjaba Mirkocaza siiddas, Anna Ravna Gaup ja Skáidán siiddas, Nils Henrik Anti. Nils Johan Vars govven

Guokte dálvesiidda áigot váidit Kárášjoga Oarjjabeale orohaga, go oaivvildit sin boasttuvuođaid bargan go leat ráhkadan gaskkaboddosaš dálveguohtonrájiid.

Ávvir lea ovdal čállán Kárášjoga Oarjjabeale dálvesiiddaid birra, gos dál leat doaimmas gaskkaboddosaš dálvesiidarájit, go sii leat duhtameahttumat bargguin mii lea dahkkon ja dovdet iežaset beahtahallan go eai leat doarvái bures beassan leat mielde váikkuheame movt rájit galget.

Dál leaba boazoeaiggádat Skáidán siiddas, Nils Henrik Anti, ja Mirkocaza siiddas, Anna Ravna Gaup, dolkan, ja áiguba váidit Kárášjoga oarjjabeale orohaga.

– Doppe njunnošis sii leat bargan ieža suoli juste nu movt leat áigon, ja eai leat midjiide buktán makkárge dieđuid, lohká Anti.

Loga eambbo lávvordaga Ávviris.