Šiehtaiga gulahallat

VUOLLÁIČÁLLIBA ovttasbargošiehtadusa gaskal Sámedikki ja Statskog SF. Sámedikke presideanta Egil Olli ja Statskog stivrajođiheaddji Marit Arnstad. Statskog SF preassagovva.

Sámediggi ja Statskog SF, Sámedikke Egil Olli ja stivrajođiheaddji Marit Arnstad, soabaiga čálalaččat nuppi nuppiin dalán gulahallat jus áigu juoidá sámi beroštumi guovlluin dahkat.

Ikte vuolláičálii Statskog SF stivrajođiheaddji Marit Arnstad ja Sámedikke presideanta Egil Olli golbma jagi ovttasbargošiehtadusa gaskal Statskog SF ja Sámedikki, Værnes báikkis davábeale Troandima. Sámedikkis gohčodit dán historjjálaš dáhpáhussan. Šiehtadus ii boađe fápmui ovdalgo Sámedikki dievasčoahkkin meannuda ja dohkkeha dan.

– Statskog stivra lea juo meannudan ja dohkkehan šiehtadusa, lohká Statskog SF stivrajođiheaddji Marit Arnstad ja lohká dáinna šiehtadusain ožžot guktot bealit buoret áddejumi nuppi nubbái.

– Lean hui duđavaš, lasiha Sámedikke presideantta Egil Olli.

Loga eambbo lávvordaga Ávviris.