Váldosiidu-Hovedsiden | Ođđasat | – Olgeža biegga bosoda

– Olgeža biegga bosoda

Fonta sturrodat: Decrease font Enlarge font
image Olgešbellodaga válgagohcimis leat buohkat ilus bohtosiiguin maid várresátnejođiheaddji evttohas, Reidun Hesjevik, oažžu telefuvnna bokte.

Porsáŋggu Olgešbellodaga válgagohcimis čohkká várresátnejođiheaddji evttohas, Reidun Hesjevik, telefuvnnas Olgeža sátnejođiheaddji evttohasain, gii ráđđeviesus čuovvu jienaid lohkama. Earát čuvvot dárkilit mielde.

– Olgeža biegga bosoda, lohká Eli Rognmo gii bálddas čohkká ja guldala, go Hesjevikas alddis ii leat dilli Ávviriin háleštit. Rognmo lea Porsáŋggu Olgeža gávccát evttohas gielddaválgii.

Gatnjalat
Várresátnejođiheaddji evttohasas, Reidun Hesjevikas, golget gatnjalat go muitala dađistaga earáide ahte lea gelddolaš ráđđeviesus go jienat lohkkojuvvojit.
– Bohtosat orrot šaddame oba buorit, muhto man buorit in sáhte vuos muitalit, lohká Hesjevik iluin.

Gelddolaš
Porsáŋggus vurdet oažžut gielddaválgga loahpalaš bohtosiid oalle fargga, ja leat ollugat geat leat čoahkkanan Olgeža válgagohcimii.
– Dál lea nu gelddolaš, muhto dieđusge mii sávvat ahte vuoitit válgga, ja vel erenoamážit go ná buorit bohtosat leat, lohká Eli Rognmo. Maiddái goalmmát evttohas Olgežis, Svein Sjøveian, čuovvu áŋgirit mielde go bohtosat dađistaga muitaluvvojit telefuvnna bokte.
– Mii leat dahkan buori válgagičču, ja dál sávvat ahte das lea leamašan ávki, lohká son.
Čállinbotta lea Bargiidbellodaga ja Olgeža gaskka garra gilvu.
  • email E-poasta du skihpárii
  • print Čálihanversudvna
  • Plain text Dábálaš teaksta
Merkejuvvon ná:
Eai leat mearkkat dán artihkkalii