Váldosiidu-Hovedsiden | Ođđasat | Giitevaččat doarjagiin

Giitevaččat doarjagiin

Fonta sturrodat: Decrease font Enlarge font
image UNNIMUS LÁVVORDAGA: Guovdageainnu Demeansasearvi oaččui unnimus ruđa lávvordaga, Guovdageainnu márkanšiljus. – Vahkkobeivviid oaččuimet eambbo, muhto ledje ge hui unnán olbmot márkanis lávvordaga. Mii leat hui giitevaččat buot doarjaga ovddas, dadjá Našun

Guovdageainnu Demeansasearvi lea giitevaš doarjaga ovddas máid ožžo mannan vahkku čoaggimiin.

Olles mannan vahkku leat Norgga demeansasearvvit čoaggán ruđa, ja juohkán dieđuid demeanssa buozalmasvuođa ja demeansaservviid birra.
 – Mannan vahkku leat mii čohkkán Rema 1000 feaskáris gaskal bealnjealji ja guđa, mánnodagas duorastahkii. Lávvordaga fas márkanšiljus, ja dalle gal ledje áibbas unnán olbmot márkanis, muitala Našunálasearvvi Guovdageainnu Demeansasearvvi lahttu, Anne U. Dahl.

608 ruvnno báikkálaš searvái
Ruhta máid searvvit ožžo, adno dutkamiidda, muhto oassi báhcá báikkálaš servviide, 15 proseantta.
 – Mii leat hui duhtavaččat go nagodeimmet oažžut 4 059 Norgga ruvnno dáppe Guovdageainnus, ja 608 ruvnno báhcá báikkálaš searvái, lohká Dahl, ja bivdá vel ahte sii besset giitit buohkaid geat leat addán.  

– Muitet sin geat vajálduhttet
Demeansasearvvit ja Álbmotdearvvašvuođa Našunálasearvi leat ge jahkásaččat bidjan johtui ruhtačoaggimiid čakčamánu 20. – 26. beivviid ja diibmá ožžo vuollelaš njeallje miljovnna Norgga ruvnno. Dán jagi lea mihttu vihtta miljovnna. Ollislaš dieđut leat boahtte jagi rehketdoalus.
 – Servviid áigemearri ruhtačoaggindieđuid ovdanbuktit lea golggotmánu 15. beaivvi, ja mii diehtit loguid birrasiid skábmamánu 10. beaivvi, muhto dat eai leat go sullii logut.  Ii leat beare maŋŋit addit, lohká Álbmotdearvvašvuođa Našunálasearvvi diehtojuohkinhoavda, Randi Kiil.

– Eat ane ruđa čalmmustahttimii   
– Jus mii galgat joksat iežamet mihtuid, de eat leat vuoruhan ruđa máidnumii dahje čalmmustahttimii, go dasa manalii moadde miljovnna, čilge Kiil, ja bivdá olbmuid fitnat sin ruovttusiiddus mii lea www.nasjonalforeningen.no gos gávdnet eambbo dieđuid.
 – Dađi bahábut lea dušše dárogillii, muhto searvi doaimmahuvvo dušše priváhtta olbmuid addon ruđaiguin ja lea hui áddjás bargu muđui juo, earret eará go eai leat sámegielfoanttat mis, čilge Kiil.

  • email E-poasta du skihpárii
  • print Čálihanversudvna
  • Plain text Dábálaš teaksta
Merkejuvvon ná:
Eai leat mearkkat dán artihkkalii