Trasti & Trine lea vásáhusfitnodat mii lea birra jagi rabas, ja sii fállet miellagiddevaš olgoáibmofálaldagaid gussiide. Guossit besset vásihit dán buori eallima Finnmárkkus sihke sevdnjes skábma áiggiid ja čuvges geasseáiggi.
– Turisttat leat viimmáskan vásihit biebmokultuvrra ja báikkálaš historjjá, ja persovnnalaš guossoheami.
Ráđđehusa mihtu lea dahkat Norgga beakkán internationála biebmonašuvdnan, ja eanandoalu bokte dagahit Norgga bivnnuhis mátkemearrin.
Mii háliidit veahkehit iešguđet guovlluid ovdáneami dan dáfus, muhte jus galgat lihkostuvvat, de dárbbašuvvo priváhta olbmuid bargomokta, áŋuriššan ja máhttu, muitala eanandoallo- ja biebmoministtar Jon Georg Dale.
Fállet beanavuodjima ja vázzinmátkki várrečohkaide gaskaijabeaivvážis
Trine Lyrek lea juo badjel 20 jagi bargan Husky beatnagiiguin ja beanavuodjimiin, ja lea juo háhppehan váldit badjel čieža duháha guossi mielde reahkavuodjimiidda.
Dálvet leat beanavuodjin ja guovssahasat hui beakkán turistafálaldagat, geasset Trasti & Trine fas fállaba earet eará vázzinmátkkiid vielpáiguin, tealtátuvrraid beatnagiiguin ja vázzinmátkkiid várrečohkaide gaskaijabeaivvážis.
Go leat geargan mátkkošteames, de besset guossit idjadit guosseviesus dahje šiljus, ja iđđedis besset guossit návddašit ekologalaš iđitborramuša.
Biebmokursa ja báikkálaš biebmu
Biebmu lea dehálaš oassi Trasti & Trine vásáhusas. Johnny Trasti lea rámiduvvon goahkka, ja lea 2005 rájes ráhkadan ja bargan báikkálaš biepmu Finnmárkkus.
Johnny liiko ja berošta biepmus mas leat čielga máisttut ja ávdnasat mat gávdnojit lahkosis, ja mat leat šaddan ja eallán lagas duoddariin, mearas dahje vuvddiin.
Guossit besset maid searvat Trasti & Trine biebmokurssaide ja váldit oasi mállása historjái ja návddašit borramušaid maid ieža leat veahkkin ráhkadan.
Váldet vára gussiin, luonddus ja lagasbirrasis
Doalloguoddit Johnny Trasti ja Trine Lyrek váldiba bures vára sihke gussiin, luonddus ja lagasbirrasis, Davvi-Norgga earenamašávuođas.
Guossit besset vásihit Finnmárkku fiinna luonddu ja kultuvrra, ja Trasti ja Lyrek sávvaba gussiid movttiidahttit ja addit gussiide máhtu váldit atnui mátkkoštanvugiid mat eai guođe luottaid lundui.
Trasti & Trine lea ožžon Norsk Økoturisme sertifiserema. HANEN ealáhusorganisašuvdna hálddaša dán birassertifiserema, ja fitnodagat mat sertifiserejuvvojit fállet gussiide luonddu- ja kulturvásáhusaid main lea báikkálaš čanastupmi ja gos besset deaivvadit buigaolbmuiguin ja buiga luondduin.
Gávnna eanet «gilihelmmuid» HANEN:is
HANEN lea riikasaš gilliturismma, doalloborramuša ja sáivačahcebivddu ealáhusorganisašuvdna Norggas, ja dán geasi sii ovttasbarget guđain áššiin mat gullet eanandoallovuođđuduvvon mátkkeallimii ja báikkálaš biebmobuvttadeddjide Norggas.
HANEN:is leat dál badjelaš 480 miellahttofitnodaga miehtá Norgga.
HANEN čajeha gos gávnnat Trine & Trasti, ja eará «gilihelmmuid» Norggas neahttasiiddus hanen.no. Sis lea maid nuvttá appa man namma lea HANEN ja dán gavnnat App Storeas ja Google Playas.
