Ruoŧa Sámedikki ságadoalli Håkan Jonsson. Govven: Nils Johan Vars.

Ruoŧa Sámedikki njunuš suhttan journalisttaide

Maŋŋel go media lea dárkkistan Sámedikki ekonomiija, de ii áiggo sámediggeáirras Lars-Jonas Johansson searvat báddejuvvon jearahallamiidda, ja Sámedikki ságadoalli ii áiggo šat searvat journalisttaid jearahallamiidda.

14:27 Guovvamánu 16. beaivi 2017

Dáid dieđuid buktá Sameradion & SVT Sápmi duorastaga, maŋŋel go sii guorahalle Sámedikki ekonomiija, ja gávdnan dieđuid ahte Sámediggi lea máksán honorára loge geardde muhtin professorii.

 

Čavggadeaba media

Sihke Landspartiet svenska samer bellodaga Lars Jonas Johansson ja Jakt och fiskesamerna bellodaga Håkan Jonsson leaba čálašan Sámeradio neahttasiiddu kommentárabáikkis ja cuiggodan journalistta barggu áššis.

Håkan Jonsson čavggada Sámeradio, ja čuoččuha ahte sii eai muital duođaid eai ge atte máŋggabealálaš ovdanbuktima áššis.

Lars-Jonas Johansson lohká iežas rahčat luohttámušain Sámeradio vuostá, go áššit orrot bealálaččat ráhkaduvvon.

Boađusin áššis lea ahte Håkan Jonsson lea addán dieđu ahte son ii šat searvva Sámeradio jearahallamiidda boahtteáiggis, muhto ii leat áigon ášši váidit Ruoŧa mediaid dárkkistanlávdegoddái, čállá Sameradion.

 

Mediaid áššedovdi kommentere

Göteborga Universitehta mediaetihka ja sátnefriddjavuođa áššedovdi Jan Strid lohká dán leat vuorjašuhtti treandan go politihkkarat, geat stivrejit, eai áiggo hupmat mediain.

Strid lohká maid ahte aŋkke ii gávdno gáibádus ahte politihkkaris lea bággu vástidit journalisttaide, čállá Sameradion & SVT Sápmi.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

Ovdasiiddus dál

Jon Henrik Fjällgren ja Aninia beasaiga njuolga Melodifestivalena 2017 finálii maŋŋel ivttá oassegilvvu, mii lágiduvvui Skiellehis, Ruoŧas.

Almmuhuvvon odne, dii. 11:07 Guovvamánu 26. beaivi 2017

Finnmárkku politiijaguovllus leat ikte dárkkistan johtolaga ja sis lea muđui leamaš ollu bargu mannan ija.

Almmuhuvvon odne, dii. 10:39 Guovvamánu 26. beaivi 2017

Lea go boazodoallošiehtadus duohtavuođas šiehtadallan? – Ii, lohká jurista gii lea juste jur boazodoallošiehtadusa dutkan juridihkalaš masterčállosis guhtta jagi áigi. Son oaivvilda dat dušše gohčoduvvo šiehtadussan, vaikko rievtti mielde lea stáhta mii dan šiehtadusa vuođul oažžu válddi stivret boazodoalu ealáhusa siskkáldasat, eambbo go sis livččii váldi lágaid vuođul.

Almmuhuvvon odne, dii. 09:27 Guovvamánu 26. beaivi 2017

Veahtinfitnodagat eai einnos Jon Henrik Fjällgren ja Aninia vuoitit otná oassegilvvu Ruoŧa Melodifestivalenis, muhto jáhkket goalmmat sadjái boahtit.

Almmuhuvvon ikte, dii. 11:44 Guovvamánu 25. beaivi 2017

Nu lohká boazodoalli goluid birra ja go stáhta unnidit áigu doarjagiid boazodollui. Boazoealáhusa doaimmat leat nu divrasat ahte ­boazodoalli ballá iežas šaddat «goikeláibbi» ­borragoahtit jus doarjagiid vel unnidit, nu go Eanandoallo- ja biebmodepartemeanta lea evttohan ođđa boazodoallošiehtadusas.

Almmuhuvvon ikte, dii. 10:11 Guovvamánu 25. beaivi 2017

Dievdu gii lea áššáiduhtton go okta čihččet-lohkái nisu lea navdon goddon Háršttáin, lea miehtan biddjot rájusgiddagassii.

15:45 Guovvamánu 24. beaivi 2017

Iŋgos Máhte Ristin Ánne galggai sámegillii cealkit eret várrejuvvon diimmu Kárášjoga Bátnedivššohagas, muhto golai diibmu ovdal go dat lihkostuvai. Dál gáibida fylkka buoridit bátnedivššohagaid sámegielfálaldaga.

14:10 Guovvamánu 24. beaivi 2017

Vaikko lea doaivva ahte sii leat olahan moaitámušaiguin ođđa Deanosoahpamuššii, de ballá Sámedikki ráđđelahttu Inger Eline Eriksen ahte bellodatovttasbargošiehtadusat Stuoradikkis šaddet mearrideaddjin ášši meannudeamis.

13:09 Guovvamánu 24. beaivi 2017

FeFo stivra lea mearridan guoddalit Unjárgga-duomu.

10:55 Guovvamánu 24. beaivi 2017

Duorastateahket gávdnui muhtin čihččetlot-jahkásaš nisu jápmán muhtin stobus Hársttáin. Politiijat ballet nissona leat goddon, ja muhtin njealjátlot-jahkásaš almmái lea áššáiduhtton áššis.

10:08 Guovvamánu 24. beaivi 2017

Sámenuoraid dáiddadáhpáhus lágiduvvo Heahtás cuoŋománu 19. beaivvi, váldofáddá lea dánsa ja sámefáddá ges duodji.

09:17 Guovvamánu 24. beaivi 2017

Sámediggepresideanta Vibeke Larsen ii dohkket dan sohkabealevealaheami man skiipahoavda Sandra Andersen Eira lea vásihan.

13:49 Guovvamánu 23. beaivi 2017

Čiežas leat ožžon golgodávdda MS Finnmarken hurtigruteskiippas. Fanas lea dál Bergenis kaias ja galgá bures bassot ovdal go beassá vuolgit viidáseappot.

10:38 Guovvamánu 23. beaivi 2017

Olmmošlohku lassána Norggas, ja diibmá lassánii olmmošlohku 0,9 proseanttain. Dievdoolbmot lassánit buot eanemusat.

12:10 Guovvamánu 23. beaivi 2017